Түркістанда еңбек адамдарына құрмет көрсетілді

Түркістанда Еңбек күніне орай қоғамның дамуы мен елдің өркендеуіне өлшеусіз үлес қосып келе жатқан еңбек адамдарына құрмет көрсетілді. «Адал азамат – адал еңбек» атты шарада «Парыз» және «Еңбек Жолы» байқауларының жеңімпаздары марапатталды. Сондай ақ, осы мереке аясында 40-қа жуық компания бос жұмыс орындарын ұсынып, жәрмеңке өткізді. Инженерден бастап IT-маманға дейін 50-ден астам мамандық қамтылды. Айта кетейік, өңірде ағымдағы жылы 130 мыңнан астам тұрғынды жұмыспен қамту керек болса, сол меже орындалды. Соның ішінде 35 мыңнан астамы жұмысшы мамандығы бойынша орналасқан.

Хамзат Батырұлы, Түркістан қаласының тұрғыны:

Жәрмеңкені келіп көріп жатырмыз. Менің мамандығым – бұрғылаушы. Өндіріс орнында. Соған жұмыс айлығы жақсы болса көрейін деп келдік. Енді көріп жатырмыз.