Президент Қасым-Жомарт Тоқаев Люксембург Премьер-министрімен және Монако Князімен кездесті

Қасым-Жомарт Тоқаев Нью-Йоркке жұмыс сапары кезінде тағы да бірнеше кездесу өткізді. Мемлекет басшысы БҰҰ-ның бас алаңында Люксембург Премьер-министрі Люк Фриденмен екіжақты ынтымақтастық жайын талқылады. Жиында әсіресе цифрландыру мен қаржы технологиялары салаларындағы бірлескен бастамаларды жүзеге асыруға ерекше мән берілді. Осы мақсатта тараптар екі елдің бизнес қауымдастығы арасындағы байланыстарды жандандыруға уағдаласты. Монако Князі ІІ Альбермен кездесуде де сауда-экономикалық, инвестициялық және мәдени-гуманитарлық ынтымақтастықты кеңейту жайы сөз болды. Қасым-Жомарт Тоқаев Князь ІІ Альберді елімізге ресми сапармен келуге шақырды.