Астанада халықаралық жастар форумы басталды

Атырауда «Saraishyq Upgrade – 2025» атты халықаралық жастар форумы басталды. Оған Қазақстанның 10 облысынан және Ресей, Қырғызстан, Әзербайжан және Өзбекстан елдерінен келген 14 пен 35 жас аралығындағы 300-ден астам жас қатысып жатыр. Екі күнге созылатын шараның мақсаты – жастардың жаңа идеяларын жүзеге асырып, креативті индустрияны дамытуға қолдау көрсету. Сондай-ақ бағдарламада панельдік пікірталастар, тақырыптық секциялар, шеберлік сабақтары және 6 бағыт бойынша жастар жобаларының байқауы қамтылған. Қорытындысында 6 үздік жобаның авторларына 500 мың теңгеден сыйақы табысталады.

Тілекқабыл Файзуллин, форумға қатысушы:

Осы жылы достарыммен бірге веб-сериал түсіруге сценарий жазып жатырмын. Сол сценарийдің барысында осы жерден алатын тәжірибем көп шығар деп үміттенемін. Жалпы, спикерлер де өте жақсы.