Hangzhou Open: А.Бублик финалға шыға ала ма?

Ерлерден Қазақстанның бірінші ракеткасы Александр Бублик Hangzhou Open турнирінің жартылай финалына жолдама алды. Отандасымыз ширек финалда чехиялық Далибор Сврчинаны ойсырата жеңді. Қарсылас екі сетте де тек бір геймге ғана қол жеткізе алды. Бір сағатқа жуық уақытқа созылған матч 6:1, 6:1 есебімен Бубликтің пайдасына шешілді. Қазақстандық теннисші қазір финал жолдамасын жарыс қожайыны Ву Ибинмен сарапқа салып жатыр. Әлемдік рейтингтің 196-сатысына жайғасқан ол ширек финалда ресейлік Даниил Медведевтен басым түскен еді.