Жылдамдық пен жауапкершілік: Жүргізуші мәдениеті қай деңгейде?

Жолдағы апаттар. Өткен аптада екі күнде 25 адам опат болды. Әсіресе, күре жолдардағы жағдай алаңдатады.

«Апаттардың 95 проценті көлік айдайтындардың кінәсінен», - дейді құзырлы органдар. Жүргізушілердің уәжі - жолдардың сапасы анау айтқандай емес және тар.

Бірақ апаттардың негізінен жол ережесін сақтамаудан екенін бәріміз білеміз. Жауапкершілік пен сана «жоқшылығы» – үлкен проблема. Алайда «өтіп кетемін» деп шолақ ойлайтын сананың өсуін күтіп отыратын уақыт қайда?! Қандай амал бар? Елдос Есенбол былтыр Қарағанды–Балқаш трассасына барған.

Ол кезде жол жөнделіп жатқан, шопырлар жолдың тарлығын айтқан. Биыл жөндеу бітті. Апат азайды ма? Жауабын ішіңіз сезіп тұр, иә?