Шахматтан Әлем чемпионаты басталды

Алматыда кадеттер арасындағы шахматтан әлем чемпионаты басталды. Жарысқа 88 елден 850-ден аса жас спортшы келді. Соның ішінде Үндістан, Қытай және АҚШ-тан келген қатысушы көп.  Ал додада ел намысын 200-ден астам шахматшы қорғайды. Жарыс ай соңына дейін жалғасады. Жеңімпаздар жас ерекшелігіне қарай алты санат бойынша анықталады. Биыл ел құрамасында Италияда өткен чемпионаттың жүлдегерлері Аланна Берікқызы, Марк Смирнов пен Ханзада Аманжол бар.

Аркадий Дворкович, Халықаралық шахмат федерациясының президенті:

Қазақстан құрамасының нәтижелі өнер көрсетуге әлеуеті зор. Бұл – шахматтың қарқынды дамып келе жатқанының дәлелі. Жарыста топ жарғандар халықаралық деңгейде мойындалып, болашақта ересектер арасындағы чемпион атануы ықтимал.