Мемлекет басшысы Нью-Йорк қаласына жұмыс сапарымен барады

Мемлекет басшысы Қасым-Жомарт Тоқаев 21-23 қыркүйек күндері Нью-Йорк қаласына жұмыс сапарымен барады. Ақорданың хабарлауынша, Президент Біріккен Ұлттар Ұйымының Бас Ассамблеясының 80-сессиясына қатысып, бірқатар мемлекеттің және халықаралық ұйымдардың басшыларымен келіссөз жүргізеді. Сондай-ақ әлемдік жетекші компаниялардың басшыларымен кездесу жоспарланып отыр.