Дзюдодан Азия кубогында Қазақстан құрамасы 4 медаль алды

Дзюдодан Азия кубогында Қазақстан құрамасы 4 медаль алды. Қытайдың Ханчжоу қаласында дзюдодан ерлер мен әйелдер арасында Азия кубогы мәресіне жетті. Ел құрамасынан Ермек Амангелді  чемпион атанса, Табылды Бигембаев пен Әлішер Слямжанов күміс, Ұлықбек Әбілқайыр қола медаль алды. Нәтижесінде Қазақстан құрамасы жалпыкомандалық есепте 3-орынмен аяқтады. Жарысқа Азияның 13 елі қатысқан.