Сот төрелігі академиясы түлектерінің 95 %-ы судья болып жұмыс істейді

Жоғары Сот Кеңесі жанындағы Сот төрелігі академиясы түлектерінің 95 пайызы судья болып жұмыс істейді. Бұл туралы бүгін оқу орнының вице-ректоры Қанат Мусин баспасөз мәслихатында айтты. Сол себепті болар бұл академияға грантқа түсу үшін бір орынға он адам таласады. Биыл құжаттарды қабылдау egov.kz порталы арқылы және тікелей қабылдау жолымен жүзеге асырылған. Нәтижесінде 605 өтініш тіркелген. Соның ішінде 98 адам магистратураға қабылданып, алпысы грантқа түскен.

Қанат Мусин, ҚР Жоғары Сот Кеңесі жанындағы сот төрелігі академиясының вице-ректоры:

Бізде жыл сайын 60 бюджеттік орын бөлінеді. Сонымен қатар ақылы негізде магистранттарды қабылдаймыз. Былтыр да, биыл да 100-ге жуық магистрант қабылданды. Соңғы 3 жылда, тіпті 5 жылда 95 пайыздан астам біздің түлектеріміз судья болады.