Қандастар: Атажұрттағы әр жетістікке қуанамыз

Атажұрттағы әр жетістікке қуанамыз, жас буын немерелеріміз Қазақстанда білім алып жатыр. Ол болашағын елмен байланыстырады. Президент Жолдауындағы «Жердің бар игілігі халықтың тұрмысын жақсартуға арналуы керек» деген тұсы аса маңызды. Ташкент облыстық қазақ ұлттық мәдени орталығының төрағасы осылай деді. Ауыл шаруашылығын жаңа деңгейге көтеру, өңдеу өнеркәсібін дамыту жайы да дер кезінде көтерілді. Жолдауда қамтылған осындай маңызды мәселелер салаға тың серпін берері анық дейді ол.

Дамир Қалдыбаев, Ташкент облыстық қазақ ұлттық-мәдени орталығының төрағасы:

Ауыл шаруашылығын көтеру, мал шаруашылығын дамыту, халық пен билік арасындағы қарым қатынас тез шешімін табатын мәселелер. Тек халықтың шешімімен, халықтың қалауымен жұмыс жүргізіледі деген сөздер айтты. Біз өте қуаныштымыз. Қазақстанға әрдайым жақсылық, үлкен жетістіктер тілейміз.