Бүгін 13 боксшымыз шаршы алаңға шығады

Англияның Ливерпуль қаласында өтіп жатқан Әлем чемпионатындағы күндізгі сессияда 6 спортшының төртеуі  жартылай финалға өтті. Виктория Графеева өзбек қызы Ситора Турдыбековадан  басым түссе, аса ауыр салмақтағы Елдана Талипова төрешілер шешімімен жеңіске жетті. Ал ағайынды Сабырхандар алтын медальға тағы бір қадам жақындады. Екеуі де қарсыластарын айқын басымдықпен ұтты. Өкінішке қарай, 82 келідегі  Нұрбек Оралбай мен 90 келі салмақта сынға түскен Сағындық Тоғамбай жарысты аяқтады.

Кешкі сессия біздің уақытпен сағат 22:00-де басталады. Онда Алуа Балқыбекова, Карина Ибрагимова, Аида Әбікеева, Гүлсая Ержан, Бибарыс Жексен, Ертуған Зейнуллинов және Айбек Оралбай бақ сынайды.