Халық пікірі: Әлеуметтік төлемдер шын мұқтаждарға ғана берілуі тиіс

Президент Жолдауда масылдық мәселесін көтерді. Мұқтаж жандарды қолдан көбейтті деп, Үкіметті сынады. Өйткені 15 жылдан бері толық отбасы мүшелері де жеңілдік алатындардың санатына кірген. Салдарынан ажырасқандар саны күрт өсті. Осылайша әлеуметтік жеңілдіктерді көбейту арқылы – елді дамытуға, яғни мектеп, аурухана, көлік инфрақұрылымдарына  жұмсалатын қаражат азайған. Мемлекет басшысының бұл пікірін елордалық тұрғындар да қолдап отыр. Әлеуметтік төлемдер шын мұқтаждарға ғана берілуі тиіс, дейді олар.