Профессор: Геологиялық картаны цифрлық жүйеге көшіру маңызды

Геология саласын цифрлық жүйеге енгізу оны қашықтықтан зерттеу үшін өте тиімді. Қауымдастырылған профессор Ерғали Әуелхан осылай деген пікірде.

 Ғалымның айтуынша, қазір елімізде 200 мыңдық масштабтағы геологиялық, инженерлік- гидрологиялық карталардың мәліметтер базасы жасақталған. Бұл қазба байлықты іздеу, өңдеу, өндіру, жергілікті жерді пайдалану ісінде аса қажет, дейді маман.

 Ерғали Әуелхан, техникалық ғылымдар кандидаты, қауымдастырылған профессор:

Қазіргі біздің мақсатымыз – жүз мыңдық масштабтағы қазба байлықтардың орналасқан жеріндегі карталарды құрастыру. Нақты-нақты зерттеу жүргізіп, терең  қабаттарды карталарды құрастыру. Оған қашықтықтағы зонттарды пайдалану арқылы құрастыру. Бұл болашақта инвестиция келуге, үлкен компанияларға ақпараттарды көруге тиімді болады.