СҚО-да бос жерлер мен ормандар мемлекетке қайтарылуда

Табиғат ресурстарын тиімді басқару үшін цифрлық технологияларды қолдану қажет. 

Бұл жөнінде мемлекет басшысы халыққа арнаған жолдауында атап өтті. Космомониторинг пен геоталдау нәтижесінде бос жатқан жерлер мен орман алқаптары анықталып, мемлекет меншігіне қайтарылуда. Бұл бағыттағы жұмыс жалғасын таппақ. Мамандар пікірінше саланы цифрландыру – орманшылардың да жұмысын айтарлықтай жеңілдетеді.

Қайрат Халықов, СҚО табиғи ресурстар және табиғатты пайдалануды реттеу басқармасы басшысының орынбасары:

Жер мәселесі бойынша кадастрлық цифровизациялау өте тиімді әрі ыңғайлы болады. Орманшылардың көбі әлі күнге шейін карта қолданамыз. Орманды орналастыру жұмыстары біздің өңір бойынша жүргізілген болатын. Картографиялық құралды біз телефонға жүктеген болатынбыз. Өте ыңғайлы. Цифрлық қолдану – орманшыларға өте пайдалы болады деген сенімдемін.  

Эльмира Кәленова