Әлем чемпионаты: Қазақстан құрамасы Бельгиядан ірі есеппен жеңілді

Кеше футболдан Қазақстан құрамасы 2026 жылғы әлем чемпионаты іріктеу кезеңіндегі бесінші ойынында Бельгиядан ойсырата жеңіліп қалды. Есеп 6:0.  Ойынан кейінгі баспасөз мәслихатында  құраманың бас бапкері Али Алиев өз еркімен қызметінен кететінін мәлімдеді. Енді осы матчтан кейін Бельгия құрамасы турнир кестесінде екінші орынға көтерілді. Көш басында Солтүстік Македония 11 ұпаймен келеді. Ал үшінші кезекте Уэльс 10 ұпайды еншілесе, Қазақстан құрамасында 3 ұпай бар. Әзірге Лихтенштейннің қоржыны бос. Енді бұл топтағы ойындар 10 қазанда өткізіледі. Бұл күні Қазақстан құрамасы Лихтенштейнді қабылдаса, Бельгия мен Солтүстік Македония өзара шеберлік байқасады.