Қарағанды облысында келесі жылы 4 тәжірибелік зертхана ашылады

Қарағанды облысында жұмысшы мамандықтар жылы қарсаңында колледждерде жаңа мамандықтар оқытылып, білім гранттары артқан. Мәселен биыл мемлекеттік тапсырыс 9300 дейін ұлғайды. Оның 4000 жұмысшы мамандықтарына бөлінді. Алдағы уақытта өңірде 4 зертхана ашу жоспарланған. Оның бірі Балқаш қаласында туризм бағытын дамытуға арналған жоба. Ал Теміртау қаласында су шаруашылығын дамтыу, ұшқышсыз қондырғы дрондар жасау және электромобильдерді жөндеу зертханалары ашылмақ. Қазір шетелдік білім орындарымен келіссіөздер жүруде және де жергілікті өнеркәсіптерден де сұраныстар жоғары.

Қаламқас Оспанова, облыстық білім басқармасының бөлім басшысы:

Негізгі мақсатымыз – өндіріске сапалы мамандар даярлау. Кәсіпорындардың тапсырысымен даярлайтын нысаналы мемлекеттік тапсырыстар бар. Былтыр 980 еді, биыл 1600 асады. Кәсіпорын нақты осынша адам оқытып беріңдер деп тапсырыс береді. Олар оқып болғаннан соң кәсіпорындарға жұмысқа тұрады.

Жандос Бақытұлы