БҰҰ: Орман өртінен ауа ластанып жатыр

Орман өртінен былтыр ауа айтарлықтай ластанған. БҰҰ-на қарасты Дүниежүзілік метеорология ұйымы осылай деп мәлімдеді. Ал орман өртінің жиілеуіне климаттың өзгеруі себеп. Аталған ұйымның дерегінше, қазба отындарын жағу мен орман өртінен ұсақ бөлшектердің тарауы ауа сапасын нашарлатып жіберген. Әсіресе ауаның ластануы орман өрті көп тіркелген Амазон алабы, Канада, Сібір мен Орталық Африкада байқалып отыр. Дүниежүзілік денсаулық сақтау ұйымының мәліметінше, атмосфералық ауаның ластануы жыл сайын 4,5 млн адамның мерзімінен бұрын өліміне әкеледі.