Инклюзивті білім балаларға тең мүмкіндік сыйлайды

Еліміздегі мектептердің 90 пайызы инклюзивті білім беруге әзір. Оқу орындарының жанынан тағы 121 қолдау кабинеті ашылған. Сондай-ақ өскелең ұрпақтың білім сапасын жақсарту үшін «Ерекше білім беру қажеттілігі бар балаларды кешенді қолдау туралы» заң әзірленіп жатыр. Құжатта зорлық-зомбылықтан қорғау мен қауіпсіздігін қамтамасыз ету, сапалы білім мен медициналық қызметке қол жеткізу мәселелері қамтылады. Айта кетейік, бүгінде ел аумағында 235 мыңнан астам ерекше бала білімді қажет етеді. Оларға 500-ден астам арнайы ұйым қызмет көрсетеді.

Анарбек Нұрымбетов, колледж директоры:

Осындай ерекше бала бөлініп қалмауы керек. 2-3 жылдан бері барлық колледжде оқиды. Бір топта 25 бала болса, соның 2-3-і инклюзивті балалар болуы мүмкін. Оқу мерзімі 2 жыл, тегін тамақтандырады. Тегін оқиды. Және 4-5-ке оқыса, мемлекеттен стипендия беріледі.