Ауғанстанда зілзаладан зардап шеккен аудандар халықаралық көмекке мұқтаж

Ауғанстанның жер сілкінісінен зардап шеккен аудандарында дүмпулер тоқтар емес. Сондықтан жергілікті тұрғындар үйлерін тастап, далада түнеуге мәжбүр. Қазір елдің шығысындағы Кунар, Нангархар провинцияларында іздеу-құтқару операциялары жалғасып жатыр. Біріккен Ұлттар Ұйымының ескертуіне қарағанда, егер халықаралық қауымдастықтан көмек болмаса, зілзаладан қираған елді мекендердің халқында азық-түлік таусылады. Ал жараланғандарды эвакуациялауға күш жетпей жатыр. Ауғанстанда магнитудасы 6 балдық жер сілкінісі тамыздың 31-де болып, одан 1400-ден астам адам қаза тауып, 3 мыңға жуығы жараланып, бірталай ауыл жермен-жексен болды. Құтқарушылардың айтуынша, көп адам үйінділер астынан әлі шығарылған жоқ.

Арай Төлегенқызы