Қазақстан мен Түрікменстанның инвестициясына қатысты келісім ратификацияланды

Бүгін Сенатта Қазақстан мен Түрікменстан арасындағы инвестицияға қатысты келісім ратификацияланды. Құжатттың мақсаты кәсіпкерлерді қолдап, көтермелеп, қызметтің ашықтығымен қамтамасыз ету. Осы заңның нормаларына сәйкес кез келген тараптың инвесторлары үшін қолайлы жағдай жасау қарастырылған.

Мәулен Әшімбаев, ҚР Парламенті Сенатының төрағасы:

Қаралған келісім екі ел арасындағы инвестициялық ахуалды жақсарту және өзара тиімді сауда-экономикалық ынтымақтастықты одан әрі дамыту мақсатымен әзірленді. Құжат бір мемлекеттің инвесторларына екінші мемлекеттің аумағындағы инвестициялары үшін қолайлы жағдайлар жасауды көздейді. Жалпы, бұл заң елдеріміз арасындағы достық қарым-қатынасты нығайтуға оң септігін тигізеді деп сенеміз.

Самал Қабышева