АҚШ әскері есірткі тиеген қайыққа соққы берді

 АҚШ әскері Кариб теңізінің оңтүстігінде Венесуэладан есірткі тасымалдаған қайыққа оқ жаудырған. 11 адам қаза тапты. Оларды Трамп «наркотеррорист» деп атады. Әлеуметтік желіде АҚШ президенті су көлігі АҚШ-қа заңсыз есірткі тасымалдаған деп жазды. Трамп қаңтарда Ақ үйге оралғаннан кейін Латын Америкасының бірнеше елінде есірткі тасымалымен айналысатын ұйымдарды террористік деп таныды. Ал соңғы екі айда АҚШ Кариб теңізіне қауіпсіздікті күшейту үшін қосымша әскери кемелер мен мыңдаған теңіз жаяу әскерін жіберген еді.

Арай Төлегенқызы