Жаңалықтарды Telegram арнамыздан оқыңыз!Солтүстік Корея лидері Ким Чен Ын Бейжіңде ертең өтетін әскери парадқа қатысу үшін бүгін пойызбен Қытай шекарасына өтті.
Мұны осы елдің «Родонг» мемлекеттік газеті хабарлап отыр. Ал Корея Орталық жаңалықтар агенттігі Кимнің сыртқы істер министрімен вагонда отырған сәті туралы суретті жариялады.
Айта кетсек, ертең Қытай астанасында Жапонияның Екінші дүниежүзілік соғыста тізе бүгуінің 80 жылдығына байланысты «Жеңіс күні» шеруі өтеді. Оны тамашалауға әлемнің 20-дан астам елінің басшылары жиналады.
Арыстан Рысбек
