Құқықтық тәртіпті нығайтуға қосқан үлесі үшін бірқатар азамат марапатталды

Конституцияның 30 жылдығына арналған ғылыми-практикалық конференцияда Президент елдің әлеуметтік-экономикалық дамуына және құқықтық тәртіпті нығайтуға қосқан үлесі үшін жиын қатысушыларына алғысын білдірді. Конституцияның 30 жылдығына орай бірқатар азаматты «Отан» ордені, бірінші және үшінші дәрежелі «Барыс» орденімен, «Парасат», «Құрмет» ордендерімен және «Ерен еңбегі үшін» медалімен марапаттады.

Сара Идрышева, М.Нәрікбаев университеті профессоры:

Сезімімді айтсам, біріншіден - қуаныш, екіншіден - алғыс. Себебі Конституцияға соңғы 2022 жылы өзгерістер енгізуде өте үлкен белсенді жұмыс істедік. Құқықтану саласында 45 жыл еңбек өтілімім бар. Қазір соңғы жылдары университетте сабақ беремін. Жастарды айтсам, құқықтық сауатты біздің жастарымыз белсенді түрде игеріп жатыр.

Раушан Сайлауқызы