Жаңалықтарды Telegram арнамыздан оқыңыз!Конституциялық сотқа 11 мыңнан астам өтініш түсті. Бұл туралы да бүгін Президенттің қатысуымен өткен конференцияда айтылды. Осылайша 2 жарым жыл бұрын құрылған ұйым адам құқығын қорғауды жоғары деңгейге көтерді, дейді жиын қатысушылары. Сондай-ақ заң саласының өкілдері халықтың құқықтық сауатын арттыру жұмыстарын күшейту керек деп отыр.
Бақыт Нұрмұханов, ҚР Конституциялық Сот төрағасының орынбасары:
Қазіргі таңда конститутциялық сот осы өтініштерді қараудың нәтижесінде 5 мыңнан артық нормаларына құқықтық талдау жасап, баға берді. 400-ден астам қаулы қабылдады. 74 нормативтік қаулы қабылданды.
Серік Ақылбай, Республикалық Заң консультанттары алқасының төрағасы:
Заңды орындау үшін заңды білу керек. Заңды мойындау керек. Заң мен тәртіп қағидасы сол «адал азамат» қағидасыныңы айтылып жатқаны бәрі соған байланысты. Заңның үстемдігіне байланысты. Заңның үстемдігі болуы үшін біздің халқымыз құқықтық жағынан өте сауатты болу керек.
Снежанна Имашева, Мәжіліс депутаты:
Мектептен бастап мұндай пәндерді енгізу керек. Мектептен бастап біздің балаларымыздың санасына құю керек. Біздің конститутциямыздың басты адам құқықтарын. Соның бәрін біздің кішкентай қазақстандықтарымыз білсе, нұр үстіне нұр болатын еді. Бұл деген негіз, оның негізін білсе, олардың сауаттылығы, санасы өзгеріп тұрады.
Раушан Сайлауқызы
