Жаңалықтарды Telegram арнамыздан оқыңыз!«Конституция - құқық қорғау мен бостандықтың кепілі. Қазақстандағы реформалар соған дәлел». Астанада өткен халықаралық ғылыми-практикалық конференцияда Арменияның Конституциялық сотының төрағасы осылай деді. Іс-шараға 18 елден 300-ден аса сарапшы жиналды. Олар кейінгі жылдары өз елдеріндегі бас құжатқа енгізілген өзгерістерді ортаға салып, тәжірибе алмасты. Сондай-ақ Конституциялық сотқа түсетін өтінімдерді талдап, күрделі жағдайларда тез әрі әділ шешім қабылдау жолдарын талқылады.
Арман Диланян, Армения республикасы конституциялық сотының төрағасы:
Қазақстан мен Армения Конституциялары бір кезеңде жазыла бастады. Биыл еліміз Негізгі Заңның 30 жылдығын атап өтуде. Осы уақыт ішінде бірқатар жаңашылдық енгізілді. Қазақстанда Конституциялық сот қайта құрылып, сот жүйесі жаңғыртылды. Осы бағытта тәжірибе алмасуға біз де мүдделіміз.
Жанел Өтеулі
