Сарапшы: Қазақстан Конституциясы – құқық қорғау мен бостандықтың кепілі

«Конституция – құқық қорғау мен бостандықтың кепілі. Қазақстандағы реформалар соған дәлел». Астанада өткен халықаралық ғылыми-практикалық конференцияда Арменияның Конституциялық сотының төрағасы осылай деді. Іс-шараға 18 елден 300-ден аса сарапшы жиналды. Олар кейінгі жылдары өз елдеріндегі бас құжатқа енгізілген өзгерістерді ортаға салып, тәжірибе алмасты. Сондай-ақ Конституциялық сотқа түсетін өтінімдерді талдап, күрделі жағдайларда тез әрі әділ шешім қабылдау жолдарын талқылады.

Арман Диланян, Армения республикасы Конституциялық сотының төрағасы:

Қазақстан мен Арменияның Конституциясы бір уақытта жазыла бастады. Биыл біздің ел де Конституцияның 30 жылдығын атап өтіп жатыр. Осы аралықта біраз жаңашылдық енгізілді. Қазақстанда да Конституциялық сот қайта құрылып, сот жүйесі жаңғырды. Осы ретте тәжірибе алмасуға мүдделіміз.

Жанел Өтеулі