Ким Чен Ын келесі аптада Бейжіңге барады

Солтүстік Корея лидері Ким Чен Ын келесі аптада Қытайға сапар шегіп, әскери парадқа қатысады. Алдағы шеру Жапонияның Екінші дүниежүзілік соғыста ресми түрде тізе бүгуіне арналмақ. Бұл шара Ким үшін ең ірі әрі көпжақты дипломатиялық оқиғаға айналмақ.

Ресми Пхеньянның мәлімдеуінше, Солтүстік Корея жетекшісі Бейжіңге Қытай төрағасы Си Цзиньпиннің шақыруымен барады. Сапар барысында Ким Ресей президенті Владимир Путинмен де жүздеседі.

Қытай – изоляциядағы Солтүстік Кореяның дәстүрлі одақтастарының бірі және басты экономикалық тірегі.

Тағы бір айта кететін жайт, Қытай астанасында қыркүйектің 3-де өтетін парадқа әлемнің 26 елінің басшылары қатысады. Олардың қатарында батыс мемлекеттерінің өкілдері болмайды.

Арыстан Рысбек