Талапқа сай емес базарлар жабылады

Келесі жылдан бастап талапқа сай модернизациядан өтпеген базарлар жұмысын тоқтатады. Бұл жайлы Сауда және интеграция министрі Арман Шаққалиев айтты. Ол Қарағандыдағы базарларды аралап көріп, сауда жасап тұрған кәсіпкерлермен тілдесті. Министрдің айтуынша, жаңғырту картасына енген 100-ден аса базардың 60 пайызы ғана жұмысты толық аяқтаған. Жаңа ережеге сәйкес базар иелері жалға алу ақысын жылына бір рет қана өзгерте алады. Сондықтан саудагерлердің қорқуына негіз жоқ деді. Кеншілер қаласында төрт базар бар. Оның тек біреуі ғана қайта жаңғыртылған. Жыл аяғына дейін тағы бір сауда орны жөнделеді.

Арман Шаққалиев, Сауда және интеграция министрі:

Қарағанды облысында 2 базар «Алтын арба», «Горняк» - олармен кездесеміз. Жұмыс істемейтін болса, онда заңнама түрде жауып тастаймыз. Олар жұмыс істей алмайды.

Жандос Бақытұлы