Еуропалық сарапшылар: Конституциялық реформалар демократияны күшейтті

«Қазақстандағы конституциялық өзгерістер азаматтардың құқығын кеңейтіп, елдегі демократияны күшейтті». Еуропалық сарапшылар осылай дейді. Айтуларынша, Ата заңға енгізілген түзетулер саяси институттарға еркіндік беріп, билік пен бұқараның байланысын бекемдеді. Конституциялық соттың, Адам құқықтары жөніндегі омбудсмен мәртебесінің көтерілуі халық үніне құлақ асатын әділетті мемлекет құрудың маңызды қадамы. Үкімет пен қоғамның сеніміне негізделген реформалар өз жемісін беруде, дейді шетелдік сыншылар.

Марат Тертеров, Брюссель энергетикалық клубының сарапшысы:

Бұл реформалар саяси жүйені, саяси институттарды демократияландыру үшін ғана емес, Қазақстанның азаматтық қоғамы үшін өте маңызды өзгеріс. Әрі бұл елдеріңіздің Тәуелсіздігін онан сайын бекемдеуге бағытталған нық қадам. Қазақстан халқы еркін, жастары ақылды, өз ойын ашық білдіреді. Бұл - демократияның көрінісі.

Нұрсұлу Қасым