Жаңалықтарды Telegram арнамыздан оқыңыз!Иордания Хашимит Корольдігінің Королі ІІ Абдалла бен әл-Хусейннің Қазақстанға ресми сапары басталды. Ақордадағы салтанатты қарсы алу рәсімі кезінде, Мемлекет басшысы Қасым-Жомарт Тоқаев пен Король ІІ Абдалла бір-біріне делегация мүшелерін таныстырып, екі елдің әнұрандары орындалды. Бұдан кейін шағын құрамдағы келіссөздер өтті. Қазақстан Президенті Астанаға шақыруын қабыл алғаны үшін Корольге алғыс айтып, жыл басында Амманға жасаған сапарын ықыласпен еске алды.
Қасым-Жомарт Тоқаев, Қазақстан Республикасының Президенті:
Сіздің жаһандағы жағдайды жетік түсінетініңізге өте ризамын. Бүгін де пікір алмасуды жалғастыруға мүмкіндігіміз мол. Иордания мен Қазақстан арасындағы екіжақты ынтымақтастық табысты дамып келеді. Дегенмен, тиісті деңгейде талқылауды қажет ететін мәселелер де жоқ емес.
ІІ Абдалла бен Әл-Хусейн, Иордания Хашимит Корольдігінің Королі:
Жоғары Мәртебелі, қымбатты бауырым, жылы сөзіңізге және құрмет көрсетіп қабылдағаныңызға алғыс айтамын. Бұл сапар Сіздің осыдан бірнеше ай бұрын менің еліме жасаған табысты сапарыңыздың жалғасы іспетті. Қазақстан маған өте жақын. Менің бүгінгі сапарым Қазақстан мен Иордания арасындағы берік достыққа құрылған тарихтың жаңа парағын ашатынына сенімдімін.
Оңғар Алпысбайұлы
