Жаңалықтарды Telegram арнамыздан оқыңыз!Көпшілік осылай деп атап кеткен пәтер иелері кооперативтерінің қызметі қайта қолданысқа енеді. Яғни, 18 қыркүйектен бастап тұрғындар ПИК немесе МИБ қызметін өз қалауы бойынша таңдай алады. ПИК дегеніміз – пәтер иелері кооперативі. Ал МИБ – мүлік иелері бірлестігі. Екеуінің айырмашылығы - мәселен, ПИК бір емес, бірнеше тұрғын үйге қызмет көрсетсе, ал МИБ «бір көпқабатты тұрғын үй, бір есепшот» қағидасымен жұмыс істейді. Тұрғын үйді күтіп-баптау мақсатында жаңадан құрылған МИБ қызметін таңдағандар тым аз болып шықты. 15 пайыз ғана. Сондықтан тұрғындарға ПИК қызметін қайта қолдану мүмкіндігі беріледі.
Қарахан Қаби, ҚР ӨҚМ тұрғын үй-коммуналдық шаруашылығын дамыту басқармасының басшысы:
Жасыратыны жоқ, МИБ реформасы толыққанды жүзеге асқан жоқ. Тәжірибе өзі көрсеткендей, кейбір адамдарға ПИК ұнайды екен. Кейбір ПИК-тер қызметін жақсы атқарады екен. Адамдарға таңдау құқығы беріліп отыр. Сізге осы ПИК ұнай ма, ары қарай жұмысыңызды жалғастыра беріңіз, ешкім сізге МИБ құр деп міндеттемейді.
Сондай-ақ «автотұрақ» пен «қоймаға» қатысты жаңа терминдер енгізілді. Енді төлем жасағанда «Автотұрақты күтіп ұстауға арналған ағымдағы төлем» деп нақты көрсетіледі. Бұл жаңа төлем түрі емес. Тек атауы нақты көрсетілген төлем.
Самал Қабышева
