Жаңалықтарды Telegram арнамыздан оқыңыз!Елімізде алғаш рет спорттық құзға өрмелеуден Азия кубогының кезеңі өтеді. Құрлықтық дода 29-31 тамыз аралығында Алматыда ұйымдастырылады. Турнир «Шабыт» жазғы амфитеатр аумағында орналасқан трассаларда өтеді деп жоспарланған. Оған оннан астам елдің спортшылары қатысады. Оның ішінде Қазақстан, Қытай, Үндістан, Иран, Жапония, Сингапур, Оңтүстік Корея сынды басқа да мемлекеттер бар. Медальдар «жылдамдық» және «қиындық» санаттары бойынша сарапқа салынады.
Асылбек Данияр
