Жаңалықтарды Telegram арнамыздан оқыңыз!Ата Заң – бірлік пен бейбітшілік негізі. Конституцияда көрсетілген нормалар еліміздің әлемдік қауымдастық алдындағы мәртебесін биіктетті. Әрі егемендік құқығымызды негізге ала отырып, жауапкершілігімізді арттырады. Заң ғылымдарының кандидаты, қауымдастырылған профессор Бақытқали Көшпенбетов пікірі - осы. Елімізде қабылданатын заңнаманың барлығының негізгі бастауы – Конституция. Ата Заңның берік сақталуы ішкі бейбітшілікті нығайтып, азаматтық қоғам құруға сеп, дейді профессор.
Бақытқали Көшпенбетов, Заң ғылымдарының кандидаты, қауымдастырылған профессор:
Қазақстан тарихында басқа да Конституциялар болған. Ал бүгінгі Конституцияның ерекшелігі – біз онда қандай қоғам құрып, кейінгі ұрпақты қалай тәрбиелейтінімізді, өзімізден соң не қалдыратынымызды айқындап көрсеттік. Конституция нормаларын бәріміз бірдей түсініп, әділ бағалап, қатаң сақтауға тиіспіз.
Айдана Қуантхан
