Жаңалықтарды Telegram арнамыздан оқыңыз!Конституцияға халықтық референдуммен 2022 жылы өзгерістер мен толықтырулар енгізілді. Бұл өзгерістер елдің дамуына оң серпін берді.
Мәселен мемлекет суперпрезиденттік биліктен ықпалды парламенттік басқару форматына көшті. Конституция бойынша Президент 7 жыл мерзімге тек бір-ақ рет сайлану құқығына ие. Сондай-ақ қандай да саяси партия құрамында болуға тыйым салынды. Яғни демократияға бағытталған маңызды қадам. Ал жер қойнауы, су көздері мен табиғи ресурстар халыққа тиесілі екені Ата заңда айқын көрсетілген. «30 жылда Конституциямыз нығайып, адам құқығын қорғауға баса мән берілді»,-дейді сарапшылар.
Еркемай Саниязова, Қорқыт ата атындағы Қызылорда университетінің құқықтану кафедрасының оқытушысы:
Конституциялық сот бұл жаңа бір жүйе. Яғни ҚР әрбір азаматы өзінің нұқсан келген құқықтарын қалпына келтіруге байланысты Конституциялық Сотқа ашық түрде жүгіне алады. Мұндай өзгерістер ҚР демократиялық мемлекет ретінде дамуына және жақсы бетбұрыс барын көрсетеді.
Әділбек Серікұлы
