Ресейде инфляция артып, қымбатшылық белең алды

Ресейде инфляция өсіп, cегіз пайыздан артты. Санкцияның 18-пакеті жарияланған соң мұнай бағасы тағы арзандаған. Ресейліктердің банктер алдындағы берешегі де 3 трлн рубльден артты. Мамандар зейнетақы мен орташа жалақыны көтеру керектігін айтады. Өйткені азық-түлік пен коммуналдық төлемдердің бағасы бір жылда 300 пайызға дейін қымбаттады. Сонымен қатар, жылына 500 миллион рубльден астам табыс табатындарға салықты 22 пайыздан 35 пайызға көтеру ұсынылды.

Юрий Никитин, кәсіпкер:

Бізде кейбір мамандық иелері өзгелерден 15 есе төмен табыс табады. Әсіресе денсаулық, білім, мәдениет және әлеуметтік салада істейтіндердің айлығы аз. Ресейде барлығы қатты қымбаттап кеткенімен, аталған сала мамандарының айлығы көтерілмеді. Бүгінгі күні отбасылар тек азық-түлік сатып алу үшін жұмыс істейді. Басқасына ақша жетпейді.

Индира Бегайдар