Жапонияда аптап ыстықта жұмысшыларға мұз десерттер беріледі

Жапонияда аптап ыстық әлі қайтқан жоқ. Елдегі құрылыс компанияларының бірі шыжыған күннен жұмысшыларын қорғау үшін ерекше тәсіл ойлап тапты. Күн сайын оларға мұз қатқан десерттер, жеміс дәмі бар салқын гель береді. Бұл суға қарағанда ыстықты басуға айтарлықтай көмектеседі, - дейді жұмысшылардың өздері.

Бұған қоса олар күн өтпес үшін әр жарты, бір сағат сайын жұмыстан үзіліс алып, демалады. Сонымен бірге құрылысшыларға күн өтпейтін кеудешелер беріліп, бөлмелерге желдеткіштер орнатылған. Жапонияда биыл жазда ауа температурасы +40 градустан төмендемей тұр. Осыған орай билік тұрғындарға мейілінше үйден шықпауға кеңес берді.

Арай Төлеген