Елімізде теледидар мен кір жуғыш машиналары шығарыла бастады

Қарағанды облысында Samsung брендінің теледидарлары мен кір жуғыш машиналары шығарыла бастады. Жоба — мемлекет, инвесторлар және бизнес арасындағы әріптестіктің нәтижесі. Жаңа өндіріс алаңы өңірде жұмыс орындарын ашуға, сондай-ақ технологиялар мен өндірістік тәжірибені меңгеруге мүмкіндік береді. Жоспар бойынша, жыл соңына дейін 10 мың теледидар мен 25 мың кір жуғыш машина шығарылады. Ал өндірістік қуаттылық толық іске қосылған кезде зауыт жылына 150 мың теледидар және 200 мың кір жуғыш машина өндіруге қауқарлы.

Ернұр Медет