Ақтөбе облысында 8 үйдің қора-қопсысы өртеніп кетті

Ақтөбе облысында 8 үйдің қора-қопсысы өртеніп кетті. Оқиға Қобда ауданының Әлия ауылында болды.

Өрт ауданы 1 100 шаршы метрге жеткен. Негізінен шаруашылық нысандары мен шөп жанған. Ауыл тұрғындары жалынның үйлерге таралуына жол бермеді. Нәтижесінде қауіп төнген 16 баспана аман қалды. Өртті сөндіруге 188 адам мен 25 техника жұмылдырылды. Сондай-ақ полиция мен әскери бөлім қызметкерлері көмекке келді.

Жақсыбек Кемал