Ұлытау облысында «Аялы жер - таза жер» атты спорттық-сауықтыру шарасы өтті

Ұлытау облысында ұлттық экологиялық бастама – «Таза Қазақстан» акциясы аясында жаппай сенбілік ұйымдастырылды. Тазалық шаралары облыстың барлық қаласы мен ауданында өтті. Өңір орталығында жастар, еріктілер мен қала тұрғындарының қатысуымен Алашахан даңғылы бойында ұйымдастырылып, орталық көшелер тазартылды. Ал Сәтбаев қаласында «Аялы жер - таза жер» атты Спорттық-сауықтыру шарасы өтті. Жыл басынан бері өңірде 7 облыстық және 8 қалалық сенбілік өткізіліп, оған 44 мыңнан астам адам қатысқан.

Серік Жасұлан, ерікті:

Сәтбаев қаласының көшелерін тазалауға көмек беріп жатырмыз. Қаламыздың, еліміздің тұрғындарына қоқыс тастамауға, таза ұстауға кеңес беремін. Өз қоқыстарыңызды қоқыс жәшігіне тастауға тырысыңыздар.

Жандос Бақытұлы