Әлем чемпионаты: Едіге Қасымбек финалға шықты

Болгарияның Самоков қаласында күрес түрлерінен жастар арасындағы әлем чемпионаты басталды. Алғашқы жарыс күні еркін күрес бойынша іріктеу белдесулері ұйымдастырылды. Нәтижесінде 125 келіде өнер көрсететін қазақстандық Едіге Қасымбек барлық қарсыласын жеңіп, финалға жолдама алды. Енді ол бүгін кешке ирандық Мұхаммед Незбен кездесіп, әлем чемпионы атағына таласады. Бұған қоса 97 келідегі Самир Дурсунов пен 74 келідегі Досжан Құлғайыптың да жүлдеге ілігуге мүмкіндігі бар. 

Азамат Бейбітұлы