Жаңалықтарды Telegram арнамыздан оқыңыз!Атырауда 23 жасар фельдшерді атып кетті. Күдіктілер ұсталды. Қазір мамандар тергеу амалдарын жүргізіп жатыр.
Нұрсұлтан Нұрсейіт, тілші:
Оқиға қала сыртындағы Химиктер кентінде кеше түнде болған. Қазір көріп тұрғандарыңыздай, атыс болған жерді полиция қызметкерлері осылай қоршап қойған. Қайтыс болған жігіт 23 жаста, Атырау қаласының тумасы, ауруханада фельдшер болып жұмыс істеген. Алғашында бұл жерде бір топ азаматтар сөзге келісе алмай, жаппай төбелес болған. Артынан достары сол күні жұмыстан шығып, үйінде демалып жатқан Азамат Асылбекұлын көмекке шақырған. Алайда ол келген сәтте жағдай одан әрі ушығып, төбелескендердің бірі Азаматқа тапаншамен оқ атқан. Алған жарақаттарының салдарынан ол осы жерде жан тапсырған. Қазір төбелеске қатысқан барлық адам ұсталып, қамауға алынды. Оларға қатысты «адам өлтіру» бабымен қылмыстық іс қозғалып, тергеу жүріп жатыр. Қайтыс болған азамат жуырда отау құрған.
Нұрсұлтан Нұрсейіт
