Жаңалықтарды Telegram арнамыздан оқыңыз!Бүгін көрнекті композитор Қазақстанның халық әртісі Шәмші Қалдаяқовтың туғанына 95 жыл. «Қазақтың вальс королі» атанып кеткен сазгердің әндері қазақ сахнасында әлі күнге дейін шырқалып келеді. Астанада композитордың туған күніне «Бақыт құшағында» деп аталатын тұңғыш қазақ тілді jukebox мюзиклі түсірілді.
Мюзикл сценарийі толығымен композитордың әндерімен шабыттана отырып жазылған. Елорданың көшелерінде түсірілген кинотуынды, Шәмші Қалдаяқовтың әйгілі әнінің эпизодтарына бір кадрында 230-ға жуық актер би билейді. Туынды желісінде анаға құрмет пен отбасы құндылығы, махаббат пен карьера суреттеледі. Басты рольдерде Азамат Сатыбалды, Дәурен Серғазин мен Алия Әнуарбек.
Мюзикл 23 қазанда еліміздің барлық кинотеатрларында көрсетіледі.
