Жаңалықтарды Telegram арнамыздан оқыңыз!Дәл қазір Астанада қазақ күресімен қатар таеквондодан халықаралық жарыс өтіп жатыр. Олимпиада ойындарына ұпай беретін жарыста бүгін ересектер бақ сынауда. Қатысушылардың арасында Олимпиада ойындарының чемпиондары мен жүлдегерлері де бар. Бұл ашық турнир болғандықтан, ел намысын қорғайтын спортшылар көбірек. Таеквондо федерациясы өкілдерінің ақпаратынша, қазіргі дейін екі отандасымыз финалға жолдама алды. Олар 73 келіге дейінгі салмақтағы Назым Махмұтова мен ерлерден 74 келідегі Ергеш Бекасыл. Байрақты бәсекені «Qazsport» телеарнасы тікелей эфирде көрсетіп жатыр.
Асылбек Данияр
