Есірткі қылмысына қарсы іс-қимыл штабы құрылды

Үкімет Президент тапсырмасынан кейін нашақорлық профилактикасы және есірткі қылмысына қарсы іс-қимыл бойынша мемлекеттік органдардың қызметін үйлестіретін республикалық штаб құрды. Оған Премьер-министрдің өзі басшылық етеді. Штаб нашақорлық пен есірткі саудасының алдын алумен де айналысады. Тағы бір міндеті – тәуелді адамдардың профилактикасын, емін және оңалту жүйесін жетілдіру. Одан бөлек осындай штабтар облыстар мен ірі қалаларда да құрылмақ.

Айта кетейік, ішкі істер органдары жыл басынан бері 11 тоннадан астам есірткінің айналымға түсуіне тосқауыл қойып, 19,5 мың есірткі сайтын бұғаттаған. 

Данияр Қайыртай