Абай облысында Сенат депутаты шалғай ауылдарды аралады

Сенат депутаты Қайрат Тастекеев Абай облысы Үржар ауданына барып, жөнделіп жатқан Бауыржан Момышұлы атындағы орта мектепті көрді.

Материалдық-техникалық базасын нығайту, оқушыларға қолайлы орта қалыптастырудың маңызына тоқталып, жөндеу жұмыстарының сапалы әрі уақытылы аяқталуы басты талап екенін жеткізді. Сондай-ақ жаңадан салынған медициналық нысандарды аралады. Сенат депутаты сондай-ақ аудан активімен кездесіп, тұрғындардың талап-тілегін тыңдады. Әлеуметтік жағдай, инфрақұрылым мен жолдың сапасы, денсаулық сақтау, жастар саясаты және тұрғын үй сынды маңызды тақырыптар талқыланды.