Еліміздегі жол қауіпсіздігі TOR цифрлық платформасы арқылы бақыланады

Енді елдегі жол қауіпсіздігі TOR атты бірыңғай цифрлық платформа арқылы бақыланады. Жүйе көшеде болып жатқан оқиғалар жөніндегі деректерді қалалар мен тас жолдардағы стационарлардан да, полицияның мобильді бекеттерінен де, дрондардан да жинай береді. Оны Ішкі істер органдарының қызметкерлері бірыңғай «цифрлық терезеден» көріп отырады. Осылайша жолдағы қауіпсіздікті ұлттық деңгейде басқарып, талдауға мүмкіндік тумақ. Осы платформаның арқасында апат жиі болатын нүктелерді анықтау жеңілдей түседі, дейді жоба әзірлеушілері. Әрі қауіпті жүргізушілерді дер кезінде тіркеп, сегіз сағаттан артық үізіліссіз көлік тізгіндеп келе жатқан тұлғаларды бақылауға алу мүмкін болады.

Данияр Қайыртай