Рекордтық көрсеткіш: Елімізде егіс және жиын-терімге 700 млрд теңге бөлінді

Биыл ауыл шаруашылық саласына ерекше қолдау көрсетілді. Бөлінген қаражат мөлшері көп. 700 млрд теңге. Бұл - егіс және жиын-терімге бағытталған қаржы. Бұрын-соңды бұл салаға мұндай қолдау болмаған. Ұлттық экономика министрі Серік Жұманғарин бөлінген қаржыны рекордтық көрсеткішке теңеді. Ал бұған дейін бұл қаражат көлемі 150 млрд теңгеден әрі аспайтын. Ауыл шаруашылық саласы ел экономикасының негізгі драйверлерінің бірі болғандықтан, Президент тапсырмасымен салаға қолдау артып келеді.

Серік Жұманғарин, ҚР Премьер-Министрінің орынбасары - Ұлттық экономика министрі:

Алғаш рет рекордтық 700 млрд теңге егіс алқаптары жұмыстарына бөлінді. Бұдан бөлек, отандық ауыл шаруашылығы техникасы лизингіне 250 млрд теңге бөлінді. Егіс жұмыстарын қаржыландыру өткен жылдың қараша айында басталды.

Самал Қабышева