Президент есірткіге тәуелділерді емдеу-сауықтыру шараларымен жеткілікті деңгейде қамтуды тапсырды

«Мемлекеттік саясат нашақорларға кеңшілік танытып, ал есірткі саудасына қатаң және мүлде төзбеушілік ұстанымда болуға тиіс». Президент Қасым-Жомарт Тоқаев наркотизмге қарсы іс-қимыл мәселелері талқыланған Қауіпсіздік кеңесінің отырысында осылай мәлімдеді. Әрі есірткіге тәуелділерді емдеу-сауықтыру шараларымен жеткілікті деңгейде қамтуды тапсырды. Аталған індетке қатысты статистикалық мәліметтерді жинау мен өңдеу жұмысын жетілдіруді де міндеттеді. Химиялық заттардың таралуын қадағалау да кезек күттірмес мәселе екенін айтты.

Қасым-Жомарт Тоқаев, Қазақстан Республикасының Президенті:

Наркотизм – заманның дерті, қоғам үшін аса қауіпті. Ол жастардың болашағына балта шабады. Ұлт саулығына қатер төндіреді. Нашақорлық пен есірткі бизнесіндегі әлемдік үрдіс алаңдатарлық сипатқа ие болды. Көптеген елдің үкіметтері аталған проблеманы физикалық және психикалық тәуелділік қана емес, ауқымды қоғамдық, экономикалық және құқықтық құбылыс ретінде қарастыра бастады. Наркотизм термині мұндай тәсілдің мән-мағынасын ашады.

Данияр Қайыртай