Павлодарда экологиялық таза өнім шығаратын зауыт салынып жатыр

Павлодарда қағаз және картон өңдіретін зауыт құрылысы басталды. Бұл Мемлекет басшысының ірі қалаларда қалдықтары өңдеу нысандарын салу және қалдықтармен жұмыс істеу жүйесін дамыту жөніндегі тапсырмасы аясында қолға алынған жоба. Ерекшелігі утилизациялық төлем қаражаты есебінен жеңілдетілген қаржы беріледі. Яғни, жылдық 3% өсімімен 15 жылдан 2 жылға дейінгі жеңілдік кезеңімен ұсынылады. Қазір еліміздің әр өңірінде осындай 67 жоба мақұлданды. Павлодардағы зауыт арнайы экономикалық аумақта салынып жатқандықтан салық төлеу жағынан жеңілдік беріледі.

Гүлнар Қайдарова, «QazRoyalPac» ЖШС бас директоры:

Қазір Қазақстанға қағаз бен картон шетелден әкелінеді. Біз елімізде жиналған целлюлоза мен макулатураны қайта өңдеп, қағаз және картон өндіреміз. Жобаның құны – 16 млрд теңгеден асады. Қаржы «Жасыл даму» АҚ арқылы, яғни утилизациялық алым есебінен Өндірісті дамыту қоры тарапынан бөлінеді.

Болат Аманбаев