Өзбекстанда зиялы қауым Абай рухына тағзым етті

Көршілес Өзбекстан елі де Абайдың мерейтойын кең көлемде атап өтіп жатыр. Ташкентте Ұлы ақынның ескерткішіне гүл шоқтарын қою рәсімі өтті. Қандастарымыз Абай әндерін шырқап, жырларын жатқа оқыды.

Гүл қою рәсіміне Қазақстанның Өзбекстандағы елшілігінің өкілдері, бауырлас елдің мәдениет министрлігі мен халықаралық қатынастар комитеті басшылары қатысты. Сондай-ақ, «Отандастар» қоры мен қазақ ұлттық мәдени орталық жетекшілері, Абай жырларымен сусындап өскен қандастарымыз да шет қалмады. Зиялы қауым өкілдері ұлы ойшылдың рухына тағзым етті. Абайды ұлықтау арқылы екі елдің мәдени қарым-қатынасы жандана береді десті шараға жиналғандар.

Дәмір Қалдыбаев, Ташкент облыстық қазақ ұлттық мәдени орталығының төрағасы:

Абайды білмейтін қазақ жоқ, өзіміз бала кезден өлеңдерін жатқа оқып өстік, қазір ұрпақтарымыз оқып жүр. Барша қазақ, өзбек халқын Абайдың 180 жылдық мерейтойымен құттықтаймын. Еліміз аман, жұртымыз тыныш болсын.

Базаркүл Отыншиева